Шугнӣ. Йуанно Хушхабар
Мам китоб муаллиф Йуанно ну̊м, йӣԝ аз ԝев дуԝозда̄ азрати Исо х̇огирден вуд.
Йила̄в мардуманд саԝол иде̂, Исо ку ақу̊нийаϑ Хуδой калӣма̄ йо най? Йуанно ма̄ш Исо қати балад ких̇т, ду̊ндҷа̄т йуйи бар фук фиристодайен бех̇ди Исо қати ху ԝахт наɣӡимт. Йута аз Исо амчун Наҷотδа̄δӣҷат, Хуδой Ԝа̄даδоδҷин тасԝӣр ких̇т.
Йуаннота аз Исо Хуδой ақу̊ни калӣма̄ лу̊вдат, Ԝи хизматенат, мӯҷизайен шойидга. Бағайр аз ди Йуанно дар борайи Исо муабатат, арчӣзен зидди Ԝи ца лу̊дат, арчӣренга бар Ԝи ца чӯд, нивишти. Та̄мен Исо ца анҷӯвдху, чорме̂хен ца δод, Йуанно йаманд вуд.
Йам китоб дар борайи ему̊н иде̂, тар зиндагийи абади ца йе̂ст. Зиндагийи абадита йик ԝев одаменард насӣб су̊д иде̂, ага ԝа̄δта Исойи Масе ху Наҷотδа̄δӣҷ қабӯл ца кинен.
Вет ԝев суханен мисол ва̄ра̄м, Исойи дар борайи Ху ԝев ца лу̊вҷ: «Ԝузум пу̊нд, рости, айот, ну̊ни айот, нек чӯпу̊н, ақу̊ни ангӯрδ, айот х̇ац», ат фана̄га га̄пен.
Архивро зеркашӣ кунед